Киношежіре

Уикипедия — ашық энциклопедиясынан алынған мәлімет
Jump to navigation Jump to search

Киношежіре – күнделікті өмірдің өзекті мәселелерін баяндайтын жедел кинохабар. Киноматериалды авторлық қорытудан өткізіп, фактілерді тақырыптық, жанрлық, көркемдік-эстетикалық бірлік жиынтығы ретінде көрсететін кинопублицистикадан ерекшелігі – Киношежіре факт жайлы қысқаша ақпарат беріп, оған не түсініктеме қосумен ғана шектеледі. Дегенмен оператор суреткер-публицист ретіндегі өз ойын көркемдік тәсілдер (түсіру түрі, ракурс, жоспар, кадр композициясы, монтаж) арқылы бере алады. Киношежіре экранда киножурнал, арнайы шығарылым немесе тақырыптық шежірелік фильмдер ретінде көрсетіледі. Киношежіре кинорепортаж, киносұхбат, кинокорреспонденция, киноочерк және кинофельетон болып бөлінеді. Телевизиялық Киношежіре кинохабардың (жазылып алынып көрсетілетін телерепортаж) бірден бір ұтымды түріне айналып келеді. Киношежіре қазіргі күнде, телевизияның дамуына байланысты, бейнемагнитофондық түрге ауысты. Сонымен қатар, Қазақстан Республикасының барлық басты саяси-әлеуметтік оқиғалары кинотаспаға түсіріліп, Республикалық кинофотоқұжаттар архивіне тапсырылады.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8