Ковент-Гарден театры

Уикипедия — ашық энциклопедиясынан алынған мәлімет
Jump to navigation Jump to search
Ковент-Гарден театры

Ковент Гарден (Covent Garden) – Лондон қаласындағы Корольдік опера театры (Royal Opera House).

Тарихы[өңдеу]

Ұлыбританияның ең ірі өнер ордасы 1732 жылы белгілі театр қайраткері, актер Дж.Ричтің ықпалымен салынды. Театр негізі о бастан 2250 орынды опералық әрі драмалық орда болып қаланды. 1808 жылы қайта салынып, 1847 жылдан бастап мәдени ошақ толығымен опера театрына айналып, тұсауы Россинидің «Семирамида» операсымен кесілді. 1856 жылы театр ғимараты өртеніп кеткен соң, қайта қалпына келтірілді. 1892 жылы театрға Корольдік опера театры атағы берілді.

Театр қойылымдары[өңдеу]

Ковент-Гарден театры1.jpg

Театр ашылған жылы Пепуштың «Опера нищих» қойылымының премьерасы өтті. 1734-1737 жылдары Гендельдің «Верный пастух», «Ариодант», «Альцина» т.с.с. операларының тұсауы кесілді. Арнайы Ковент Гарден үшін Вебер 1826 жылы «Оберон» операсын жазды.

XIX ғасырда Ковент Гарден театрында Малибран, Тамбурини, Джулия, Гризи, Патти сынды сол кезде кеңінен танылған әншілер өнер көрсетті. Ал XIX ғасырдың соңында театрда кез келген шығарманы түпнұсқа тілінде орындау дәстүрі енгізілді. 1892 жылы Малердің жетекшілігімен Гамбург труппасы «Кольцр нибелунга» тетралогиясын қойды.

XX ғасырдың ең елеулі шығармалары: 1910 жылы «Электра» мен Дилиустың «Сельские Ромео и Джульетта» операсы, 1928 жылы «Борис Годунов» (басты партияны Федор Шаляпин орындаған), 1953 жылы «Норма», 1961 жылы «Қарғалы мәтке» (дирижёр Мелик-Пашаев). 1946 жылдан бері театрда "Сэдлерс-Уэлс-балле" балет труппасы жұмыс істейді.

Опера сахнасында Бриттеннің шығармалары қойылды. 1951 жылы «Билли Бад», 1953 жылы «Глориана», 1986 жылы «Сон в летниюю ночь», 1995 жылы «Питер Граймс» сияқты опералары қойылып, театр репертуарына енді. 1995 жылдан бері Ковент Гарден театрында жыл сайын Вердиев фестивалі өткізіледі.

Галерея[өңдеу]

<gallery caption= widths="160px" heights="130px"> Сурет:Theater Kovent.jpg Сурет:73-BALET.jpg Сурет:255px-Covert Garden Theatre edited.jpg Сурет:Театр Ковент-Гарден.jpg Сурет:G4Етеатр.jpg Сурет:Royal-Opera-House-Covent-Garden1.jpg

Дереккөздер[өңдеу]


1. Еуропа елдерінің тарихы энциклопедиясы, АЛМАТЫКІТАП 2010ж.

2. ↑http://massaget.kz/

3. London. The great places кітабы, 2008ж.