Коменданттық қызмет

Уикипедия — ашық энциклопедиясынан алынған мәлімет
Jump to navigation Jump to search

Коменданттық қызмет (Комендантская служба) — әскерлердің белгіленген уақытымен және жасырын қозғалысын, шоғырлануын, ұрыстық ретке жайылуы мен орналасуын қамтамасыз ету, сондай-ақ олар орналасқан аудан мен ұрыс қимылдарындағы жалпы тәртіпті сақтау мақсатында ұйымдастырылып, өткізілетін шаралар жүйесі. Қарулы Күштерде Коменданттық қызмет әскерлердің жүріп өтетін маршруттарында, жиналатын, шоғырланатын, орналасқан және ұрыс қимылдарын жүргізетін аудандарында, зақымданған аймақтардан, бөгеттерден, су кедергілерінен өткенде, теңіз десанттарын мінгізу (түсіру) пункттерінде, басқару жолдары мен олардың қозғалыс маршруттарында, сондай-ақ тылдағы белімдердің (мекемелердің) орналасқан аудандарында, тасымалдау және эвакуациялау жолдарында ұйымдастырылады. Коменданттық қызметтің негізгі міндеттері әскерлердің козғалысын реттеу, әскерлердің ұрыс қимылдарын жүргізетін ауданда белгіленген тәртіп пен бүркемелеу шараларын орындауына бақылау жасау, жеке құрамынан қалып кеткендерді, әскери техника мен көлік құралдарын жинау және өз бөлімдеріне жіберу, маршруттарды күзету және диверсиялық барлаушы топтармен күрес, өскерлер орналасқан және жылжитын аудандардағы маршрутгарды тексеру, штабқа уақытында баяндау және маршруттардың жайы туралы әскерлерге хабарлау, маршруттардағы радиациялық, химиялық және биологиялық жағдайды хабарлау болып табылады. Коменданттық қызметтің басты міндеті қатаң тәртіп пен ұйымшылдықты қамтамасыз ету, сондай-ақ әскерлердің белгіленген ауданға көрсетілген уақытта жауынгерлік тапсырманы орындауға дайын күйінде жетуін қамтамасыз ету болып табылады. Коменданттық қызметті бөлім (құрама, бірлестік) штабтары командирдің (колбасшының) шешімі мен нұсқауларына және жоғарғы штабтардың өкімдеріне сәйкес ұйымдастырады. Коменданттық қызметті атқару үшін штаб офицерлері, қозғалысты реттеу белімшелері мен коменданттық қызмет бөлімшелері тартылады. Оған қозғалуға қажетті құралдар, байланыс, химиялық және радиациялық барлау, эвакуация және жол техникасы құралдары, қажет жағдайда басқа да бөлімшелер пайдаланылады. Баска мемлекеттердің армияларындағы коменданттық қызметтің мақсаттары мен міндеттері де осыған ұқсас. Алайда, олардың ұйымдастырылуында кейбір ерекшеліктер бар. Мысалы, кейбір елдерде (АҚШ, ГФР және т.б.) коменданттық қызметті атқару үшін әскери полиция бөлімшелері тартылады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл