Конденсат (ААҚ)

Уикипедия — ашық энциклопедиясынан алынған мәлімет
Навигацияға өту Іздеуге өту

«Конденсат» ААҚ - мұнай және газ өндіру объектілерін салумен және көмірсутекті шикізатты өндеумен, мұнай және т.б. өнім түрлерін сатумен айналысатын кәсіпорын. 1992 ж. 29 маусымда Қазақстан Үкіметінің шешімімен құрылған. «Конденсат» негізгі міндетін ойдағыдай атқарып, 1998 ж. 19 тамызда жанармай өндіретін Қарашығанақ шағын тоннажды қондырғыны (МТУ-400) пайдалануға берді. Оның құрамында жылына 400 мың т тұрақсыз газ конденсатын тұрақтандырып, атмосфералық қысыммен айдайтын қондырғы, сыйымд. 4000 м3 аралық резервуар паркі; технологиялық бу шығаратын және су жылытатын қазандықтар, химиялық талдау лабораториясы, мазут құю блогы, ұзындығы 32 км Қарашығанақ-Ақсай мұнай өнімдерін жеткізу құбыры (159 мм), сыйымд. 12 мың м3 мұнай өнімдері базасы кіреді. Сонымен қатар акц. қоғамда кен орнының қажеттілігі үшін метанолды, ингибиторлар мен химреагентгерді, жабдықтар мен материалдарды қабылдап, сақтайтын базалары бар. Қазіргі кезде шағын тоннажды зауыт табысты жұмыс істеп, сыртқы рынокқа өнім шығаруда. Келешекте «Конденсат» ұжымы жылына 1000 млн м3-ге дейін тұрақты газды күкіртті қосылыстардан тазартып, отындық газды, сығылған газды және күкірт элементін бөліп алатын блокты, газ турбиналы генератор қондырғысын салуды көздейді. Акционерлік қоғамның (бас директоры — В.К.Жүнісов) әкімшілік корпусы Орал қаласындағы Театр көшесіндегі 15/1 үйде орналасқан.[1]

Дереккөздер[өңдеу | қайнарын өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8