Конденсациялық қондырғы

Конденсациялық қондырғы - турбинада жұмыс жасап шыққан буды төменгі қысымда конденсациялауға және одан пайда болған конденсатты, сондай-ақ бумен бірге араласып енген конденсацияланбайтын газдарды (негізінен ауаны) сыртқа шығаруды қамтамасыз ететін құрылғылар жиынтығы.

Конденсациялық қондырғы құрамында конденсатор және мұның жұмысына қажетті сорғылар, су құбырлары, арматуралар, реттеуіш және өлшеуіш құрылғылары болады. Жылу электр стансаларының бу турбиналарында пайдаланатын Конденсациялық қондырғы ірі қондырғы болып есептеледі.