Константин Потапович Кайдалов

Уикипедия — ашық энциклопедиясынан алынған мәлімет
Jump to navigation Jump to search

Константин Потапович Кайдалов(1917, Ресей, Чита облысы,Приаргурск ауданы,Старый Чукрай селосы – өлген жылы белгісіз) - 2-дүниежүзілік соғысқа қатысушы, аға сержант, зеңбірек командирі.1933 жылдан Ақмола облысы,Шортанды ағаш бұйымдарын жасайтын комбинатта ағаш ұстасы болып жұмыс істеді. 1942 жылы Шортанды ауданы әскери комиссариатынан Кеңес әскері қатарына шақырылды. Оңтүстік- Батыс майданы 3-гвардиялық армиясының 179-артиллерия полкінде ұрыстарға катысты. Сталинград түбінде болған ұрыста алғашқы наградасын - «Жауынгерлік ерлігі үшін» медалін алды. Ал Солтүстік Донецкте ерекше қимыл көрсеткені үшін 1-дәрежелі Отан соғысы орденімен марапатталды. 1941 жылғы 26 қыркүйекте Днепропетровск облысының Магдалновка хуторы түбінде «фердинанд» зеңбірегі бар неміс aвтоматшылары шабуыл жасады. Кайдалов зеңбірегін автокөлікке тіркеп, ілгері ұмтылды. 400 м - дей жерде артиллеристер жаумен шайқасты. Бірақ ұрыс барысында батырлардың зеңбіректері істен шығып, зеңбірек командирі, нысанашы мен оқтаушы жараланды. Дегенмен пулемет лентасы біткенше олар жауға оқ атуын тоқтатпады. Нәтижесінде 50-ге жуық гитлершіні жойды. Жасаган ерлігі үшін Кайдаловқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (22.2.1944). 1947 жылы запасқа шығып, Киев, Гродно қалаларында және Сахалин облысында тұрды. Шортанды кентінде бір көше Кайдалов есімімен аталады.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х