Константин Семенович Лосев

Константин Семенович Лосев (1918 ж. т.), паровоз шаруашылығы инженері. Томск электро-механикалық институтын бітірген (1941). 1959 ж. қарашада Полудин аудандық партия комитетінің 1-хатшысы болып сайланды, 1962-64 ж. аумақтық-өндірістік кеңшар, ұжымшар басқармаларын басқарды. 1964 жылдан Солтүстік Қаз. облыстық партиялық-мемлекеттік, кейіннен халықтық бақылау комитетінің төрағасы, Солтүстік Қаз. обкомының 2-хатшысы. Қаз. Компартиясы ОК-нің жаңадан құрылған Жезқазған облысы бойынша ұйымдастыру бюросын басқарды. 1973 ж. сәуірде Жезқазған облысы партия комит. 1-хатшысы болып сайланды. КСРО Жоғарғы Кеңесінің (1974,1979), ҚазКСР Жоғарғы Кеңесі (1972) депутаты, Қаз. Компарт. ОК мүшесі (1978) болып сайланған. ҚОКП 26-съезінің делегаты. Отан алдында сіңірген еңбегі үшін Ленин (1957), Октябрь революциясы (1974), Еңбек Қызыл Ту (1967, 1971, 1980) орденьдерімен, ҚазКСР Жоғарғы Кеңесінің грамоталарымен марапатталған.