Конъюнктуралық зерттеулер
Конъюнктуралық зерттеулер - өнімдерді тауар рыногында сатуды және патент-лицензия ахуалының мүмкіндіктерін анықтап, білу негізге алынған ғылыми-зерттеу (сондай-ақ сұраным мен ұсынылымды талдау) қызметінің бір түрі. Оның сыртқы сауда қарым-қатынастарында ұтымда тактика қолдануда, экспорт пен импорттың құрылымын үйлесімді етуде маңызы аса зор. Конъюнктуралық зерттеулердің ерекшелігі — әдетте ол болжау ісі қысқа мерзімге (1—1,5 жылға дейін) арналады. Ұзақ мерзімді болжамдар рынок пен экономиканың ұзақ уақыттан бергі дамуының бағыт-бағдарын талдау жолымен жасалады. Жалпы экономикалық және салалық статистика, техника-экономикалық және фирмалық жарияланымдар, каталогтар, жарнама, көрмелер, жәрмеңкелер, шетелдерге іссапармен бару, ғылыми бас қосулар, саудасаттық жүйесімен түсетін деректер, техникалық қызмет көрсету жүйелері, тұғынушыларға сұрау салу, кеңесші фирмалардың қызметі, экономикалық барлау осы мәселелерге қажет ақпараттың негізі көздері болып табылады.[1]
Дереккөздер[өңдеу | қайнарын өңдеу]
- ↑ Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|