Коэрцитивтік күш
Коэрцитивтік күш, коэрцитивтік өріс (лат. coercіtіo – ұстап тұру) – магниттік гистерезис құбылысын сипаттайтын шамалардың бірі. Коэрцитивтік күш – магниттік өріс кернеулігі (Hc); мұнда алдын ала қаныққанша магниттелген ферромагниттік үлгі магнитсізденеді (қараңыз [1]). Коэрцитивтік күшті коэрцитиметр деп аталатын прибормен өлшейді. Ферромагнетиктердің Коэрцитивтік күшінің шамасы 10–3 Э-тен 104 Э-ке дейін өзгереді. Коэрцитивтік күштің шамасы аз болатын заттар жұмсақ магниттік материалдар деп аталады. Қалдық магниттелушілікке қарсы бағытта азғана магнит өрісін түсіргенде, мұндай денелер тез арада магнитсізденеді. Ал қалдық магниттелушілік қасиетін жою үшін аса күшті магнит өрісін түсіруді қажет ететін заттар қатты магниттік материалдар деп аталады.
Дереккөздер
[өңдеу | қайнарын өңдеу]- ↑ Гистерезис
- Қазақ Энциклопедиясы, 11 - том
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |