Крашенников наголоваткасы
| Крашенников наголоваткасы | ||||||||||||
|---|---|---|---|---|---|---|---|---|---|---|---|---|
| Ғылыми топтастыруы | ||||||||||||
| ||||||||||||
| Екі-есімді атауы | ||||||||||||
| Jurinea krascheninnikovii Iljin, 1924 |
Крашенников наголоваткасы Ең көп тараған түрдің (Қазақстанда 52 түрі бар) өкілі. Қазақстанның жергілікті түрі(эндемигі). Құмды далада, шөлде және қызыл саз шығатын оңтүстүк дала алқабында кездеседі. Сондай-ақ Шу, Іле тауларында. Бұл басқаларға ұқсамайтын көпжылдық сұрғұлт жасыл түсті, торлы шатасқан түк басқан түр. Бірнеше бұтақтанған гүлдейтін сабақтары бар онша үлкен емес түбірге ұқсас. Жапырақтары ұзынша, жиектері төменге қарай қайрылған,жіңішке қыяқ тәрізді сегменттерге терең тарамдаған. Төменгі жағындағы жапырақтары сағақты,жоғарғылары-отырыңқы,тұтас. Гүлдердің себеттері көп, бұтақтармен сабақтардың ұштарында бір-бірден орналасқан. Себеттердің орамдары жіңішке (1см айналасында), тостаған тәрізді. Гүлдері бірдей қосжынысты,түтікті гүл тәжі кеңейген және жоғары жағы 5 тісті. Ерте гүлдейтін түр(сәуірден гүлдейді). Жемістері-ұзынша тоқымшалары аппақ айдарлы,өте тез піседі. Осы себептен де бір түптен бір мезгілде күлгін-қарақошқыл түсті гүлдеп тұрған себеттерді және аппақ жемістері үлпілдек айдары тұқымымен кездестіруге болады.