Ксенолит

Уикипедия — ашық энциклопедиясынан алынған мәлімет
Jump to navigation Jump to search

Ксенолит (грек. xenos – бөгде және lіthos – тасс) – магмалық жыныстардың ішінде кездесетін бөгде тау жыныстары сынықтары. Олар магманың көтерілу жолындағы тау жыныстарының сынықтарынан тұрады. Магмаға түскен бұл сынықтар оның қызуының әсерінен қайта кристалданып мүйізтастарға және әр түрлі будан тау жыныстарға айналады, кейде араларында алмасу реакциялары орын алып, метасоматиттер де пайда болады.Ксенолиттердің мөлшері бірнеше сантиметрден жүздеген метрге жетеді. Ксенолиттер бойынша магманың жоғары көтерілу кезінде қандай тау жыныстарын қиып өткенін және олардың араларында қандай әрекеттер болғанын білуге болады.[1].

Дереккөздер [өңдеу]

  1. "Қазақ энциклопедиясы"