Купероз

Уикипедия — ашық энциклопедиясынан алынған мәлімет
Навигацияға өту Іздеуге өту

Купероз Купероз – бұл тері жамылғысындағы қан айналысының бұзылуы. Ауырған кезде ашу, шаншу, қышу, қызару немесе тіпті қабыну қатар сезіледі. Маңдайда, мұрында, шеке мен иекте тамырлар кеңейеді, икемділігін жоғалтады. Косметологтар купероздың даму сатысын 4-ке бөледі:

  1. саты – қан беттің терісіне құйылады, бет ара-тұра қызарады, кейде бұл коньюктивитке ұласады.
  2. саты – беттің теірінің қызаруы тұрақты сипат алады, шеке мен мұрында кеңейген тамырлар пайда болады, бұл осы ауруға тән сипат.
  3. саты – купероз аясында қабынған безеулер пайда болады.
  4. саты – ұлпа терісі қалыңдайды, клиникалық белгіге енеді, олардың ең айқыны – шошайған томпақ мұрын деп аталатын мұрын терісінің қалыңдауы, қызаруы және тұрпайыланып дөрекіленуі. Бұл ауру біртіндеп дендейді және тіпті көздің зақымдалуы мен асқынуы мүмкін.

Купероздың пайда болу себептері Купероздың тамырлық сипаты болғандықтан, кез-келген факторлар, олардың әсері мен пайда болатын көктамыр тоқырауы осы аурудың дендеуіне ықпал етеді. Қызару мыналардан туындауы мүмкін:

  1. ащы немесе тым ыстық тағамды ішуден;
  2. температураның күрт өзгерісінен;
  3. темекі тартудан, алкогольді шектен тыс ішуден;
  4. ультра-күлгін сәулесінің әсерінен;
  5. гормоналдық бұзушылықтардан;
  6. тұқым қуалаушылық факторлардан және күйзелістен.

Тамырға байланысты сырқаттар вегетордан – тамыр дистониясынан, эндокрин жүйесінің шарасыздығынан, асқазан-ішек жолдарының ауруларынан және басқалардан асқынуы мүмкін. ==Купероз көбінесе мыналарда жиі пайда болады== Ерлерден гөрі әйелдерде ашық фотоүлгіде (еш уақытта күймейтін ашық тері) 30 бастап 50 жасқа дейінгі жастық кезеңде сезімтал теріде. Ашудың жағымсыз сезімімен қатар жүретін ауру адам үшін әлеуметтік және кәсіби тұрғыда қиындықтар тудыруы мүмкін. Алайда куперозға шалдыққан әйелдерді әсіресе мәселенің әсемдік жағының алаңдататындығы табиғи жайт.

Теріні күту және куперозды емдеу[өңдеу | қайнарын өңдеу]

Егер сіз осы мәселеге тап болсаңыз, сіздің міндетіңіз қан тамырларының қабырғасын нығайту, тамырлардағы қысымды реттеу, баяу айналымды жақсарту болуға тиіс. Купероз бар сезімтал тері жұқа және нәзік құрылымға ие. Гигиена ережелерін сақтау, арнайы емдеу құралдарын пайдалану купероздан зақымдалған теріні сақтауға мүмкіндік береді. Алайда купероздың өздігінен болмайтындығын есте ұстаған абзал. Сондықтан емдеуді мүмкіндігінше ертерек бастау қажет. Куперозды емдеу әдістерін косметикалық және дерматологиялық деп бөлуге болады.