Кэлин Джорджеску
| Кэлин Джорджеску | |
| рум. Călin Georgescu | |
 | |
| Туған күні | |
|---|---|
| Туған жері | |
| Білімі |
Ауыл шаруашылығы ғылымдары және ветеринария медицинасы университеті |
| Партиясы |
Румынияның экологиялық қозғалысы (1996) |
| Мансабы | |
| Әкесі |
Скарлат Джорджеску |
| Анасы |
Анета Джорджеску |
| calingeorgescu.ro | |
Кэлин Джорджеску (рум. Călin Georgescu; 26 наурыз 1917, Бухарест ) — Румыния саясаткері және мемлекет қайраткері, оңшыл популист, ресейшіл көзқарастарымен танымал.
Өмірбаяны
[өңдеу | дереккөзін өңдеу]Кэлин Джорджеску 1962 жылы 26 наурызда Бухаресттің Котрочени ауданында Скарлат Джорджеску мен Анета Джорджеску (қыз кезіндегі аты Попеску) отбасында дүниеге келді. Оның әкесі Скарлат Джорджеску агроном-инженер және коммунистік кезеңде кеңінен қолданылатын ауылшаруашылық орта мектептеріне арналған жер кадастры оқулығының авторы болған. Анасы Анета Джорджеску Геодезия институтында жұмыс істеді және 1960 жылдары Ауыл шаруашылығы министрінің хатшысы қызметін атқарды.
Жас кезінде Кэлин жоғары деңгейлі спортшы ретінде көзге түсті. Ол дзюдомен айналысып, қара белбеу иегері атанды және 1979 жылы ұлттық және Балқан жасөспірімдерінің вице-чемпионы атанды. Ол сондай-ақ ұзақ қашықтыққа жүгіруші және каратэмен айналысып, 1995 жылы қара белбеу иегері болды. Спорт болашақ саясаткердің мінезін қалыптастырып, оған шыдамдылық пен тәртіпті үйретті.
1986 жылы Джорджеску Бухаресттегі Николае Балческу атындағы агрономия институтын бітірді, ал 1999 жылы сол институтта топырақтану мамандығы бойынша докторлық дәрежесін алды. 1986 және 1990 жылдар аралығында Джорджеску Фагараштағы Жерді қалпына келтіру институтында инженер болып жұмыс істеді. 1990 жылға дейін ол шетелде оқыды.[1]
Саяси мансабы
[өңдеу | дереккөзін өңдеу]1989 жылғы төңкерістен кейін Джорджескудың мансабы жылдам дамыды. 1991 жылы ол Қоршаған ортаны қорғау жөніндегі парламенттік кеңсенің басшысы болды. Қоршаған орта, су және орман министрлігі ұсынған құжаттарға сәйкес, 1991 жылдың 4 қарашасында министр Марсиан Блеаху Джорджескуды «Румыния Сенатынан ауысу арқылы екінші дәрежелі кеңесші етіп» тағайындау туралы бұйрыққа қол қойды.
1999 жылы, 37 жасында, Джорджеску топырақтану бойынша докторлық дәрежесін алды. 2000 жылдан 2013 жылға дейін Румыниядағы Ұлттық тұрақты даму орталығының атқарушы директоры қызметін атқарды. Бұл лауазымда ол ел экономикасын еуропалық стандарттарға сәйкес қалыптастырудың ұлттық стратегиясын әзірлеуді үйлестірді.
Көп ұзамай ол мансабын халықаралық деңгейде кеңейтіп, 2013 жылдан 2015 жылға дейін Рим клубының Еуропалық зерттеу орталығының президенті қызметін атқарды, содан кейін Женевадағы Біріккен Ұлттар Ұйымының Жаһандық тұрақты даму институтының атқарушы директоры қызметіне ауысып, 2016 жылға дейін сол жерде жұмыс істеді.
2020 жылы «Румындар одағы альянсы» партиясы Джорджескуді премьер-министр лауазымына ұсынды. 2022 жылы ол партия бағытына қайшы келетін мәлімдемелер жасағаны үшін ұйымнан кетті.
Осыған қарамастан, саясаткер Румыния саясатындағы белсенді тұлға болып қала берді. 2024 жылы ол президенттік науқанын бастады. Тәуелсіз кандидат ретіндегі оның платформасы ұлттық даму мен егемендікке бағытталған.
Саясаткердің саяси көзқарастары ұлттық егемендікке және румын мәдени құндылықтарын сақтауға бағытталған. Ол қолайлы ортаны сақтай отырып, экономикалық өсімге қол жеткізу үшін елдің табиғи ресурстарын саналы түрде пайдалануды жақтады.[2]
Дереккөздер
[өңдеу | дереккөзін өңдеу]- ↑ Человек из тени системы. Тексерілді, 5 мамыр 2026.
- ↑ Кэлин Джорджеску. Тексерілді, 5 мамыр 2026.