Күлпән Ахметова

Күлпән Ахметова(15.8. 1928. Семей облысы Шұбартау ауданы Қосағаш ауылы) - кинорежиссер. . Алматы киноактерлер мектебін (1947), Қазақ педагоикалық инстиуттың бітірді (1953). Еңбек жолын Алматы көркем және хроникалық фильмдер киностудиясында актриса болып бастап (1947- 53), кейін көркем фильмдер режиссерінің ассистенті (1954-56), дубляж режиссері(1957-92) болды. "Мазасыз көктем", "Дауыл", "Ән шақырады", "Ботагөз" фильмдерінде эпизодтық рөлдерге түсті.

1958 жылы бастап дубляж режиссеріретінде 300-ден астам шетелдік және отандық фильмдердің экранға жол тартуына еңбек сіңірді. 1985 жылы Ташкентте өткен Бүкілодақтық дубляж фильмдер фестивалінде режиссер Ахметова "Әскери-дала романы" КСРО Кинематографистер одағының II дәрежелі Дипломымен марапатталды. Қазақ КСР-інің өнеріне еңбегі сіңген қайраткер (1975), КСРО Кинематографистер одағының мүшесі (1971). "Еңбектегі ерлігі үшін" және "Еңбек ардагері" медальдарының иегері, Қазақ КСР-інің Құрмет грамотасымен марапатталған.