Күпия Рахымбердиева

Күпия Рахымбердиева 1948 жылы 19 қаңтарда Алматы облысы Жамбыл ауданының Көкөзек ауылында туған. Қазақ. Әкесі - Лебаев Рахымберді, марқұм, ¥ОС қатысқан, Алматы облысының Жамбыл ауданындағы Октябрь ұжымшарының төрағасы болып қызмет атқарған. Анасы - Лебаева Күлтай, зейнеткер, ұжымшарда құрылыс бригадасының бригадирі болып еңбек еткен. М. Әуезов атындағы Қазақ мемлекеттік академиялық драма театры жанындағы театр студиясын бітірген (1970), актриса. Қазақ және орыс тілдерін біледі. 1970 жылдан бері -Ж. Шанин атындағы Оңтүстік Қазақстан облыстық музыкалық-драма театрының актрисасы (Шымкент). Түркістан облысының Театр қайраткерлері одағы филиалының төрағасы (1980-2004). ҚР Еңбек сіңірген әртісі (1993). «Ерлік еңбегі үшін» (2009), КСРО, ҚазКСР, Мәдениет министрлігінің Құрмет грамоталарымен, дипломдарымен (1980, 1984), облыстық атқару комитетінің Құрмет грамоталарымен (1980, 1986) марапатталған. Діни көзқарасы - мұсылман. Қазақстанның болашағы туралы болжамы - «Қазақстан ірі мемлекетке айналады». Саяси қайраткер ретіндегі идеалы - Н.Ә. Назарбаев. Хоббиі - классикалық және халықтық музыка (П.И. Чайковский, М. Телебаев, 111. Қалдаяқов, Н. Тілендиев). Сүйіп оқитын әдебиеті - қазақ, орыс классикасы мен драматургиясы. Тұрмыс құрған. Қызы - Алтынай; ұлы - Асхат.