Күркіреусу теміржол бекеті — Жамбыл облысы, Жуалы ауданы, Ақтөбе ауылдық округіне қарасты елді мекен. Түркістан-Сібір теміржолы салынған XX ғасырдың 20 жылдары теміржол жағасына алғашқы теміржол бекетінің ғимараты мен бірнеше жұмысшы үйлері бой көтерген болатын. Теміржол магистралының солтүстік қапталынан әйгілі Теріс өзені ағады. Бұл өзен дәл осы араға келгенде Қаратаудың жақпар тастарын соққылай сарқырама сияқты гүрілдеп, күркіреп құлай ағады. Теріс өзенінің осы бөлігін жергілікті халық "Күркіреусу" деп атағандықтан теміржол бекетіне де осы атау берілген.[1]
