Кәдімгі гаплозома қоңызы (лат.Haplosoma ordinatum) – қатты қанаттылар отряды тақтамұрттылар тұқымдасына жататын қоңыз. Қоңыздың түсі қоңыр қара, денесінің ұзындығы 14 – 25,4 мм, мұртшалары үш бөлікті түйреуішті (олар 10 бунақты) болады. Жағының жоғарғы шеті сәл толқынды келеді. Арқасының алдыңғы бөлігі аталығында, аналығында бірдей. Аталығының маңдай тігісі (аналығына қарағанда) бұдырлы және алдыңғы аяғының іш жағындағы тырнақтары кеңейіп, төмен қарай иілген. Даму циклі екі жылдай, дернәсілдер құмда тіршілік етіп, өсімдіктердің тамырымен қоректенеді. Қоңыздар кешқұрым немесе түнде белсенді, кейде жарыққа да ұшып шығады. Кәдімгі галлозома қоңызы – өте сирек кездесетін түр тіршілігі әлі толық зерттелмеген. ҚазақстандаСырдария мен Арал маңындағы құмдарда тіршілік етеді. Бір данасы Атырау облысыҚұлсары қаласы/Құлсары қаласынан 48 км жердегі Жем аңғарынан табылған. Барсакелмес қорығында қорғалады. Қазақстанның «Қызыл кітабына» енгізілген.
[1]
