Кәдімгі тарғақшөп

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Кәдімгі тарғақшөп
Dactylis glomerata Kropaar plant.jpg
Ғылыми топтастыруы
Дүниесі: Plantae
(unranked) Monocots
(unranked) Commelinids
Сабы: Poales
Тұқымдасы: Poaceae
Тегі: Dactylis
Түрі: D. glomerata
Екі-есімді атауы
Dactylis glomerata
L.
A.
Кәдімгі тарғақшөп.
A.
Кәдімгі тарғақшөп

Кәдімгі тарғақшөп(Dactylis glomerata) – астық тұқымдасы, тарғақшөп туысына жататын көп жылдық шөптесін өсімдік. Солтүстік Қазақстанның жазықтары мен Алтай тауларынан Батыс Тянь-Шаньға дейінгі аралықта таралған. Орманды, далалы және таулы өңірлердегі топырағы құнарлы жерлерде өседі. Биіктігі 60 – 150 см, тамыр сабағы қысқа болады. Сабағы тік, ұзын жапырақтары сабағының түбінен топтала өседі. Оның түп жағы тығыз болып қалыптасады. Түпте тұқым беретін өскіндермен бірге ұсақ вегетативті өскіндер де болады. Олар бір жылдан соң генеративті өскінге айналады. 3 – 5 гүлден құралған масақтары тығыздалған бүршіктерге жинақталып, сыпыртқы гүлшоғырына топталған. Маусымшілде айларында гүлдеп, жемісі піседі. Тұқымы ұсақ. Гүлдеген кезде оны орып алады, себебі, одан кеш қалса сабағы қатайып кетеді де мал жемейді. Кәдімгі тарғақшөп – құнарлы мал азығы, тыңайтылған шабындықтан екі рет шапқанда әр га-дан 60 – 70 ц пішен жиналады. Өсімдіктің құрамы әр түрлі белсенді заттарға бай. Оны медицинада асқазан, ішек ауруларын емдеуге қолданады. Өсімдіктің жас өркендерін қайнатып ішеді, кейде көкөніс ретінде тағамға қосады.</ref>

[1]

Сілтемелер[өңдеу]

  1. Қазақстан Энциклопедиясы


Ортаққорда бұған қатысты медиа санаты бар: left