Кәсіпшілік геофизикасы

Уикипедия — ашық энциклопедиясынан алынған мәлімет
Навигацияға өту Іздеуге өту

Кәсіпшілік геофизикасы - мұнай және газ іздестіру, барлау, игеру мақсатында ұңғымаларда жүргізілетін геофизикалық зерттеулер. Бұл зерттеулер кешеніне электрлік каротаж, индукциялық каротаж, радиоактивтік каротаж, акустикалық каротаж, газдық каротаж кіреді. Әдістері көмегімен жинауыш қойнауқаттар бөлінеді, олардың мұнайлы-газдылығына болжам жасалынады. Деректері бойынша газды-мұнайлы қойнауқаттардың қалыңдығы, кеуектілігі, мұнайға қанығу, газға қанығу коэффициенттері, су-мұнай және газ-су жапсарының деңгейлері анықталады, қималарды. Сәйкестендіру жұмыстары жүргізіледі. Мұнай және газ кенорындарын игеру кезінде К. г-ның деректері су-мұнай жапсарының немесе газ-су жапсарының орнын және мұнайға, газға қанығу ауқымының жиектерін, пайдаланылудағы қойнауқаттардың өтпелі мұнай мен газға қанығу дәрежесін, олардың шығымдарын бақылауға, сондай-ақ ұңғымадағы сұйықты, оның қозғалу бағытын анықтауға пайдаланылады.