Көги гөк

Уикипедия — ашық энциклопедиясынан алынған мәлімет
Jump to navigation Jump to search

«Көги гөк» — ұлттық ойын.

Ойынға қатынасушылар жиналып келіп, тақпақ айтып, араларына бір қызды «кемпір» етіп сайлайды. Қалғандары қаз болады. «Кемпір» шетке шығып тұрады. Қалған ойыншылар қаздай тізіліп, бірінің соңынан бірі ұстап:

Гөк, гөк, көги гөк,

Гөк, гөк, көги гөк.

Гөк, гөк, көги гөк,

— деп, қаздың жүрісіне басып оң мен солға шайқалып, «кемпірдің» қасына келеді. Бірінші келген ойыншыға «кемпір» ине (шөп, кішкене таяңша, шидің сынығы) беріп:

«Жоғалтпаңдар!» деп тапсырады. Балалар айнала жүріп, қайтадан қаздай тізіліп «кемпірге» келеді.— «Кемпір»:

— Әлгім қайда?
Әлгім қайда?

— деп сұрайды. Ойыншылардың бәрі бірдей:

Әлгің қайда?
Қалды сайда!

— деп жауап береді.

Олай болса, сендердің біріңді алып қаламын, — деп «кемпір» оларды бас салады. Ойынға қатынасушылар тізбегін жазбай қаша жөнелуі керек. Қолға түскен біреуін «кемпір» қасына алып қала береді. Ойын барлық балаларды түгел ұстап болғанша жалғаса береді. [1]

Тағы қараңыз[өңдеу]

Дереккөздер[өңдеу]

  1. Сағындықов Е. С. / Қазақтың ұлттық ойындары. — Алматы: «Рауан» баспасы, 1991 жыл .—176 бет. ISBN 5-625-01063-3