Көкек жанаргүлі
Навигацияға өту
Іздеуге өту
| Көкек жанаргүлі | ||||||||
|---|---|---|---|---|---|---|---|---|
 | ||||||||
| Ғылыми топтастыруы | ||||||||
| ||||||||
| Екі-есімді атауы | ||||||||
| Lapsana communis |
Көкек жанаргүлі (лат. Silene flos-cuculi) - қалампыр тұқымдасына жататын көп жылдық, шөп тектес өсімдік.
Сипаты[өңдеу | қайнарын өңдеу]
- Биіктігі 90 см-ге жуық.
- Сабағын төмен қараған қысқа түк басқан.
- Сопақша келген жапырақтары қарама-қарсы орналасқан, екі жағында да аздаған түктері бар.
- Гүлдері қызыл, бұтақтарының ұштарында сыпырғы сықылданып шоғырланып тұрады. Гүл сабақтары қысқа, тостағаншасы қоңырау секілді, үстіңгі жағында үш бұрышты өткір тістері бар.
Маусым-шілде айларында гүлдейді. Ылғалды жерлерде, батпақтардың шеттерінде, орман ішіндегі алаңдарда, жоңышқалы шабындықтардың арасында кездеседі.
Емдік қасиеті[өңдеу | қайнарын өңдеу]
Дәрілік мақсат үшін көкек жанаргүлінің жер үстіндегі бөлігін пайдаланады.
- Халық арасында бұл өсімдікті сары ауруға, бронх қабынуына, ревматизмге қарсы қолданады.
- Жатырдан және басқа органдардан қан кеткен жағдайларда ем үшін пайдаланады.
- Сыртқы жараларды жуады және қышыманы емдейді.
- Іріңді жараларға компресс ретінде сыртынан таңып байлап қоюға болады.
Дәріні дайындау және қолдану тәсілі[өңдеу | қайнарын өңдеу]
- Ішуге: өсімдіктің 20 грамын 200 мл қайнап тұрған суға салып, 1 ас қасықтан күніне 3 рет ішеді.
- Дененің сыртына жағуға да осындай тұнба жасайды, ол үшін өсімдіктің 10 грамын ғана алады.
- Спиртті тұнба: 25 грамм өсімдікті 10 мл спиртке салып, 8-10 күн тұндырады да, күніне 20-40 тамшыдан 3 рет ішеді.[1]
Дереккөздер[өңдеу | қайнарын өңдеу]
- ↑ Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.