Көктамыр жүйесі
Көктамыр жүйесі (лат. systema venae systema — жүйе, vena — көктамыр, вена) — қанды адам мен жануарлар организмдері мүшелер жүйелерінен жүрекке алып келетін қан тамырларының жүйесі. Көктамырлардың (веналардың) қабырғасы қызылтамырларға (артерияларға) қарағанда жұқа, ішкі қабығы — интима қақпақшалармен жабдықталған. Адам мен жануарлар денелерінде көктамырлар беткей және тереңде орналасып, көптеген жалғамалар (анастомоздар), өрімдер, доғалар, торлар түзеді. Теріге жақын орналасқан беткей көктамырлар мойында, құрсақтың төменгі бетінде, аяқтарда кездеседі. Терең көктамырлар аттас артериялар және жүйкелермен бірге тамырлы-жүйкелік будаларды түзеді. Адам мен жануарлар организмдерінде көктамыр таралуының бес жүйесі ажыратылады. Олар: алдыңғы (адамда - жоғарғы) қуыс көктамыр жүйесі, артқы (адамда — төменгі) қуыс көктамыр жүйесі, бауырдың қақпалық көктамыр жүйесі, өкпенің (кіші қанайналым шеңбері) көктамыр жүйесі және жүректің көктамыр жүйесі. [1]
Дереккөздер[өңдеу | қайнарын өңдеу]
- ↑ Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |