Көкшетау-1 стансасы

Көкшетау-1 (ағылш. Kokshetau-1 station) — Көкшетау қаласында орналасқан, «Қазақстан темір жолы» АҚ-на тиесілі темір жол стансасының вокзалы. Алдында вокзал алаңы орналасқан. Жолаушыларды қабылдап жөнелтеді және оларға қызмет көрсетеді. Ол Көкшетау орталығынан солтүстік-шығысқа қарай 1.3 км қашықта орналасқан. Бұл станция 1922 жылы ашылды.

Тарихы[өңдеу | қайнарын өңдеу]

Көкшетау-1 стансасының тарихы 1917 жылдан өзек тартады. Кеңес заманының алғашқы темір жолы 1920—1922 жылдары салынған Петропавл—Көкшетау телімі болды. Кезінде Петропавл—Көкшетау теміржолы Қазақстанның орталық аймақтарындағы ет пен сүтті Ресейге көп мөлшерде және тез жеткізу үшін асығыс салынған болатын. Дәлірек айтқанда оның құрылысын бастау жөніндегі қаулы 1920 жылғы 5-тамызда қабылданып, 1922 жылғы 28-маусымда Көкшетауға поезд қатынасы ашылды.^[1]