Көкіш Рысбаев

Көкіш Рысбаев (1926 жылы туған, Мойынқұм ауданы Қылышбай ауылы) – ғалым, тарих ғылымының докторы (1990), профессор 1956 жылы ҚазМУ-ді бітірген. 1956 – 69 жылы Жамбыл облысы теледидар және радиотарату комитетінің төрағасы. 1972 – 75 жылдары Қазақстан теледидар және радиотарату мемлекеттік комитетінің бас редакторы, 1975 жылдан Жамбыл гидромелиорлық-құрылыс институтында партком хатшысы, кафедра меңгерушісі, доцент, профессор қызметтерін атқарған. ІІ дәрежелі Отан соғысы орденімен, көптеген медальдармен және Қазақ КСР Жоғарғы Кеңесінің грамоталарымен марапатталған. 286 ғылыми еңбегі, 13 монографиясы жарық көрген. Солардың ішінде: Қазақстан Республикасының тарихы (қазақ, орыс тілдерінде) жоғары оқу орындарына арналған оқулық, «Көне Тараз» т.б. бар. Бір ғылым докторын даярлады.^[1]