Көк тарландары

Уикипедия — ашық энциклопедиясынан алынған мәлімет
Навигацияға өту Іздеуге өту

Көк тарландары телехикаясы - 2013 жылы MG Production кинокомпаниясы мен режиссер Ержан Рүстембеков түсірген әскери-патриоттық бағыттағы Қазақстан телехикаясы.

Көк тарландары
Көк тарландары
Жанры әскери сериал, комедия, мелодрама
Өндіріс "MG Production" 2013 жыл
Рөлдерде Жалын Тілеубергенов, Мерей Мақанов, Олжас Жақыпбек, Ұлан Болатбеков, Байғали Есеналиев, Мұрат Ахманов, Мақсұр Серіков
Мемлекет Қазақстан
Тілі қазақ тілінде
Маусымдар саны 2
Өндіріс
Продюсер Ернар Мәліков
Режиссёрі Ержан Рүстембеков
Түсірілім орны 1-маусымы:Қапшағай қаласындағы ҚР Қарулы Күштері Аэроұтқыр әскерлерінің 35-гвардиялық десанттық шабуылдаушы бригадасының базасы
Хабар тарату
Таратылым кезеңі  — 2015 жылы

Басты рөлдерде: Байғали Есеналиев, Мұрат Ахманов, Мерей Маханов, Мақсұр Серіков, Жалын Тілеубергенов, Олжас Жақыпбек.

Әртістер Рөлі
Байғали Есеналиев
Мұрат Ахманов
Мерей Маханов
Мақсұр Серіков
Жалын Тілеубергенов
Олжас Жақыпбек

Сюжеті[өңдеу | қайнарын өңдеу]

Телехикая сюжеті Қазақстан әскері қатарындағы әуе десанттарының жауынгерлік өмірі негізінде өрбиді. Отан үшін жанқиярлық іске басын тігетін  ел перзенттерінің күш-жігері мен өр рухына негізделген кинотуынды  тәрбиелік сипатқа толы.[1]

Актер, әнші Жалын Тілеуберген «Таңшолпан» бағдарламасына берген сұхбатында былай деді:

«Алғашқыда кастингке барған кезде режиссерлер маған туындының мақсаты -  жастардың әскерге бару құлшынысы төмендеп кетуіне байланысты, осындай телехикая түсірілетінін айтты. Себебі, шынымен де жастардың дені оқу, жұмыс деп жүріп, түбі әскерге бармай қалады.

Кейін телехикая түсіріліп, эфирге шыққан соң, әскери бөлімде қызмет ететін бір ағамыз, қазіргі жастардың әскерге барғысы келетінін, көк тарландары болғысы келетінін айтты. Осыны естігенде біздің аз ғана еңбегіміз осынша әсер еткені мені қатты қуантты»

«Телехикаяға түсу барысында мен 4 ай әскер қатарында жүргендей болдым. Екі маусымның түсірілімі 4 айға созылды. Өзім әскерге бармасам да, әскери өмірдің қыр-сырына біраз қанықтым. Басында қиын болып көрінгенімен, уақыт өте үйренесің, кейін  белгілі бір тәртіпке бағыну, бірдей киіну деген ұнай бастайды»

Телехикая туралы режиссер Ернар Мәліков былай дейді:

«Көк тарландары» Қазақстан ұлттық телеарнасының тапсырысымен түсірілді. Алғашында 16 бөлімге тапсырыс берілген. Бірінші сезонды бітіргеннен кейін көрермендер жылы қабылдап, сұранысқа ие болған соң, «Қазақстан» телеарнасының басшылығы Нұржан Жалауқызы екінші маусымына тапсырыс берді. Жалпы жиынтығы 25 бөлімнен тұратын телехикая. Бізге тапсырыс берушілер тақырыпты ғана ұсынды. Сосын біз эпизодтық жоспарды жасағанан кейін телеарнаның шығармашылық кеңес ұжымы оқып шықты, идеяларын қосып, алатынын алып, өздері тарапынан бекітіп берді. Фильм түсіруді жауапкершілігімізге алғандықтан «MG production» кинокомпаниясының атына сөз келмеу үшін барлық жағдайларды жасауға тырыстық.

Телехикаяның негізгі тақырыбы патриотизм, жастарды отансүйгіштікке баулу, оларды әскер қатарына тарту. Фильм арқылы жас ұрпақтың бойында Отанын сүю, елін, жерін қорғауға деген патриоттық сезімдері ояту біздің мақсатымыз. Осы фильмнен соң десанттық әскерге барам деуші жігіттердің қатары күрт көбейгендігін Қорғаныс министрлігі тарапынан естіп қуанып жатырмыз.

Фильмде төрт-бес образ алдық. Ауыл баласы, қалталы байдың баласы, білімге жаны құмар оқымысты жігіт және сауыққұмар бозбала. Сондай–ақ, Айнұр есімді қыздың образы арқылы әскерге қыздарды тартуды да көздедік. Әрине, әрбір кинода конфликт болуы шарт. Ұжым болған соң жұмыс бабымен түрлі түсініспеушіліктер болары сөзсіз. Сондай-ақ, коммедиялық сюжеттер де кинода көп."

Саундтректері[өңдеу | қайнарын өңдеу]

Дереккөздер[өңдеу | қайнарын өңдеу]

  1. https://qazaqstan.tv/news/98192/

Сілтемелер[өңдеу | қайнарын өңдеу]