Көптік бүйрек

Уикипедия — ашық энциклопедиясынан алынған мәлімет
Навигацияға өту Іздеуге өту
Адамның бүйрегі.

Көптік бүйрек — бір-бірімен зәр шығару өзектері - бүйрек сабақшалары арқьлы байланысып жатқан көптеген майда жеке бүйрекшелерден тұрады. Әрбір бүйрекше сыртынан дәнекер ұлпалық қапшықпен қапталған. Бүйрекшенің кесіндісінде бір-бірінен анық ажырайтын үш аймақты байқауға болады. Қапшықтың астындағы қыртысты аймақ — зәр бөлу аймағы. Бұл аймақты бүйрек өзекшелері нефрондардың денешіктері мен проксимальды және дистальды бөлімдерінің ирек түтікшелері құрайды. Олардың аралықтарында қан және лимфа тамырларына бай, тым жұқа борпылдақ дәнекер ұлпалық аралықтар (строма) орналасады. Бүйрекшелердің орталығында нефрондардың түзу түтікшелерінен (проксимальды және дистальді бөлімдердің түзу түтікшелері, жіңішке бөлімдер мен жинағыш түтікшелер) құралған, бөлінген зәрді өткізетін бозғылт аймақ орналасады. Бұл аймақтың стромасы да, борпылдақ дәнекер ұлпасынан тұрады. Қыртысты және бозғылт аймақтар аралығында, оларды бір-бірінен ажыратып тұратын, ірі қан тамырлары (доғалық артериялар мен веналар) өтетін шекаралық аймақ болады. Бүйрекшелер сабақшалары бір-бірімен қосылып, несеп жолдарын, бұлар өз кезегінде бір-бірімен қосылып, несепағарды түзеді. Бүйректің бұндай түрі теңіз сүтқоректілерінде (китте, түленде, дельфинде, ақ аюда, моржда т.б.) болады.[1]

Дереккөздер[өңдеу | қайнарын өңдеу]

  1. Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9

Бүйрек