Тұраш Көптілеуов

Көптілеуов Тұраш
Туған күні	6 қараша 1926 (1926-11-06) (97 жас)
Туған жері	Ембі, Жылыой ауданы, Гурьев облысы
Мемлекет	КСРО
Әскер түрі	жаяу әскер
Қызмет еткен жылдары	1944-1950
Шайқасы	Ұлы Отан Соғысы

Көптілеуов Тұраш (6 қараша 1926) — Ұлы Отан соғысының ардагері, даңқты жауынгер.

Өмірбаяны

Әскерге дейін

Ол 1926 жылы қарашаның 6-жұлдызында Атырау облысы, Жылыой ауданындағы Ембі ауыл советінде дүниеге келген. 1933 жылдан 1941 жылға дейін білім алған. Кейін оқуын 1942 жылы Қосшағыл кентіндегі техникалық мектепте жалғастырады. Бұл жерде 6 ай оқып, 1942-1944 жылдар аралығында Құлсары қаласында ағаш шебері болып жұмыс атқарды.

Әскердегі жылдары

1944 жылы армияға аттанды. Екі ай бойы Чкалов қаласында болып, жұмыс атқарады. Кейін өзімен құрдас, 1926 жылы туғандар болып өз еріктерімен соғысқа аттанды. 1944-1945 жылдары дивизия 375 полк, 1ші белорустық фронт болып Берлинді алуға жүріп кеткен. 1945 жылы 28 сәуір күні снаряд жарқыншағынан жарақат алды да, бір құлағы естімей қалады. Соның әсерінен ауруханаға түсіп, 1 ай емделеді. Жеңіс күнін де Германия елінде өткізуге тура келді. Алайда мейрамнан кейін де оларды елде ұстап қалды. Мегеров қаласына комиссия келіп, солдаттарды топтарға бөліп жібереді. Ол 20-шы солдат болып десанттар қатарына қосылады. Кейін, Белоруссияның Полоцк қаласында, станца Барабуха 01667 әскер бөлімшесінде қызметін жалғастырды.

Әскерден кейін

Соғыстың аяқталғанына 5 жыл болғанда, 1950 жылы 15 қазанда елге оралады. 1952-1982 жылдар аралығында "Орталық геологиялық барлау экспедициясында" бұрғылаушы мастер болып жұмыс атқарады.

Марапаттары

1. Жуков медалі
2. Ұлы жеңіске 20 жыл
3. Ұлы жеңіске 30 жыл
4. Совет әскерінің флотына 30 жыл
5. Ұлы жеңіске 40 жыл
6. КСРО қарулы күштеріне 60 жыл
7. КСРО қарулы күштеріне 70 жыл
8. Жеңіске 60 жыл (Украина)
9. Ұлы жеңіске 50 жыл
10. Ұлы жеңіске 60 жыл
11. Жеңіске 60 жыл (Беларусь)
12. Астанаға 10 жыл
13. Тыл ардагері