Көру мен естуге арналған өнертабыстар
Адам баласы қай заманда болмасын, заттарды барынша анық, айқын көруді қалады. Итальян ғалымы Салвано Амати көруді жақсартатын екі шыны линзаны қолданып, көзге киетін зат жасады. Басқа бір итальяндық ғалым Галилео 1608 жылы телескопты дүниеге әкелді. Соның арқасында өте алыста орналасқан аспан денелерін: күнді, жұлдыздарды бақылау мүмкін болды. Француз ғалымы Луи Дагер 1826 жылы алғаш рет кез келген нәрсені ақ-қара түсті суретке түсіруге болатынын көрсетті. Бірақ ол көп уақытты алатын және суреттегі бейне анық көрінбейтін. Кейінірек Джордж Истмен оның еңбегін дамытып, 1888 жылы түрлі-түсті суретке түсіру әдісін ойлап тапты. 1891 жылы Томас Эдисон кинетоскопты жасап шығарды. Оған дейін кинолар бірінен соң бірі жылдам өтетін сурет сияқты көрсетілсе, енді экрандағы бейнелер қозғалып, әрекет жасайтын болды. 1876 жылы ол фонографты да қолданысқа енгізді. Кейін оралымды және кассеталық жазбалар да өзгеріп, оңтайлана түсті. Қазіргі кезде олардың ықшамдалғаны соншалық, қалтаға сыйып кетеді. Техникалық жетістіктер шағын дискілер мен сандық бейне дискілердің дамуына әкелді. Александр Грэхам Белл телефон құрылғысын дамытып, 1876 жылы патент алды және өз заманында сол еңбегі үшін сый-құрметке ие болды.
Дереккөздер[өңдеу | қайнарын өңдеу]
- Балаларға арналған танымдық энциклопедия "Ұлы өнертабыстар"