Көрініс

Уикипедия — ашық энциклопедиясынан алынған мәлімет
Jump to navigation Jump to search
Usgs map mercator.svg

Көрініс — бұйымның қараушыға көрінетін бетінің кескіні. Кескін жазықтыққа тік бұрыштап проекциялаудың нөтижесінде алынады. Көріністе көрінбейтін сызықтарды да үзілме сызықтың көмегімен кескіндеуге рұқсат етіледі. Көріністерді басты, жергілікті, қосымша және негізгі деп ажыратады.

Көріністі түрлері[өңдеу]

  • Басты көрініс (Главный вид) - бұйымның фронталь проекциялар жазықтығындағы кескіні. Бұйымды кеңістікте фронталь проекциялар жазықтығындағы проекциясы осы бұйым туралы ең көп ақпарат, ең көп мағлұмат беретіндей етіп орналастырады. Басты көрініс негізгі көріністер қатарына жатады, атап айтқанда, ол бұйымның алдынан қарағандағы көрінісі.
  • Жергілікті көрініс (Местный вид) — тұтас бүйымның емес, оның бір бөлігінің кескіні. Жергілікті көрініс негізгі көрініспен байланыста болуы тиіс. Негізгі көрініске проекциялау (қарау) бағытын көрсететін нұсқама қойылып үлкен өріппен белгіленеді, сол өріп Жергілікті көрініс тің үстіңгі жағына нұсқамадан кейін жазылады. Жергілікті көрініс негізгі көріністе, косымша көріністе болуы мүмкін.
  • Косымша көрініс (Дополнительный вид) — бұйымның негізгі проекциялар жазықтықтарының біреуіне де параллель болмайтын жазықтықтағы кескіні. Косымша көрініс фронталь, немесе горизонталь, немесе профиль болмайтын жазықтыққа тік бүрыштап проекциялаудың нәтижесінде алынады.Косымша көрініс негізгі көрініспен байланыста болуы тиіс. Негізгі көрініске проекциялау бағытын көрсететін нүсқама қойылып үлкен өріппен белгіленеді, ал сол өріп Косымша көріністің үстіңгі жағына нұсқамадан кейін жазылады.
  • Негізгі көрініс (Основной вид) — бұйымның қараушыға көрінетін бетінің фронталь, немесе горизонталь, немесе профиль жазықтықтағы кескіні. Сызбада кескіндерді текшенің (куб) жақтарына тік бұрыштап проекциялаудың нөтижесінде алады. Бұйым қараушы мен проекциялар жазықтығының (текшенің сәйкес жағының) аралығында орналасқан деп қарастырылады (3,а- сурет). Негізгі көрініс алтау. Текшенің артқы жағындағы кескін, бұйымның алдынан қарағандағы қысқаша алдыңғы көрінісі деп аталады. Алдыңғы көрініс бұйым туралы мүмкіндігінше көп мөлімет беруі қажет. Сондықтан оны басты көрініс деп те атайды. Текшенің төменгі жағындағы кескінді — үстіңгі көрініс, оң жағындағы кескінді — сол жақ көрініс, сол жағындағы кескінді оң жақ көрініс, үстіңгі жағындағы кескінді — астыңғы көрініс жөне алдыңғы жағындағы кескінді — артқы көрініс деп атайды.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Машинажасау. — Алматы: "Мектеп" баспасы, 2007. ISBN 9965-36-417-6