Көтібар Итаяқов
Көтібар Итаяқұлы (шамамен 1825, Қызылорда облысы, Құлеке қорғаны маңы – 1906, сонда) — би, болыс, қоғам қайраткері.
Кіші жүз құрамындағы Жаппас тайпасының Жылкелді руынан тарайтын Мойнақ аталығынан шыққан. 1870–1880 жылдары Царская болысында болыс болған. 1885–1895 жылы “Сарқырама” арығының ақсақалы болып бекітіліп, Перовск қаласының (қазіргі Қызылорда) маңына егін егіп, бау-бақша салу ісіне араласады. Көтібар би турасында аңыз-әңгімелер көп тараған.
Көтібардың әкесі Итаяқ мұрап болған. Әкесіне арнап Көтібар мұнара соқтырған. Өзі қайтыс болғанда, мұнараның басына жерленген, сондықтан бұл "Көтібар мұнарасы" деп аталып кетті.
Қызылорда облысы Сырдария ауданындағы Шіркейлі ауылы маңында, Көтібар мұнарасының биіктігі 10 метр, екі көлденең шеңбері 4 метр. Ішіне кіріп шығатын ашық қуыс есігі бар, шала күйдірілген саз кірпіштен салынған. Бұл мұнара 1982 жылдан жергілікті ескерткіштерді қорғау қоғамының қарамағында.[1]
Отбасы
[өңдеу | қайнарын өңдеу]Көтібардың ұлдары:
- Әлмұхамед Көтібарұлы - Алаш қайраткері.
- Әли Көтібарұлы - дәрігер, Петерборда оқыған алғашқы қазақтардың бірі.
Дереккөздер
[өңдеу | қайнарын өңдеу]- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |