Көшербай Ысқақов
Көшербай Ысқақов (25.5. 1923, қазіргі Бірінші Мамыр ауылдық округіне қарасты Қызыл әскер аулы – 24.7.2002) – еңбек және соғыс ардагері.
Еңбек жолын 1942 ж. Қаратас ауданындағы Тұрбат МТС-інде саяси бөлім бастығының комсомол жұмысы жөніндегі көмекшісі болып бастады. 2-дүниежүзілік соғысқа қатысқан. Намангандағы әскери училищені бітірген. Волхов майданында 1102-атқыштар полкінің құрамында болды. 1943 ж. Ленгір ауданындағы Жаңажол жеті жылдық мектебінің мұғалімі, осы аудандағы Қазығұрт МТС-інің учаскелік агрономы, ал 1946 жылға дейін осы МТС-тің аға агрономы болып қызмет атқарды. 1946 – 1953 ж. Георгиев аудандық техникалық дақылдар бөлімінің меңгерушісі, агрономы, аудандық партия комитетінің ауыл шаруашылық бөлімінің меңгерушісі, облыстық комитеттің ауыл шаруашылығы бөлімі меңгерушісінің орынбасары болып қызмет атқарды. 1953 – 63 Келес аудандық партия комитетінің екінші хатшысы, Киров аудандық комитетінің төрағасы, 1963 – 1983 ж. Киров, Мақтаарал, Сарыағаш аудандары партия комитетінің бірінші хатшысы болып қызмет етті.
Үш мәрте Еңбек Қызыл Ту, Октябрь Революциясы, 1- және 2-дәрежелі Отан соғысы ордендерімен марапатталған. Төле би, Киров, Мақтаарал және Сарыағаш аудандарының құрметті азаматы.
Cілтемелер[өңдеу | қайнарын өңдеу]
"Оңтүстік Қазақстан облысының энциклопедиясы"
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|