Лаварсаз өзені

Уикипедия — ашық энциклопедиясынан алынған мәлімет
Jump to navigation Jump to search
Лаварсаз
Іле алабындағы Лаварсаз өзені
Іле алабындағы Лаварсаз өзені
Сипаттамасы
Ұзындығы 34 км
Су алабы Іле өзені
Су ағысы
Бастауы Бөшке деп аталатын сазды-батпақты қоныс аумағындағы қайнар
 • Орналасқан жері Қорам ауылынан шығыстағы 8 км жер
Сағасы Сенсембай-Қарасу өзеніне сол жағы. Одан әрі Торғай сайы бойымен ағып, Іле өзеніне (Қапшағай бөгені) құяды.
Орналасуы
Ел Қазақстан
Аймақ Алматы облысы Еңбекшіқазақ ауданы

Лаварсаз, Лавар-Қарасу, Даярсаз - Іле алабындағы өзен.

Географиялық орны[өңдеу]

Алматы облысы Еңбекшіқазақ ауданы жерімен ағады. Ұзындығы 34 км, алабында аумағы 20 га болатын шағын көл және ұзындығы 16 км болатын Жіңішкесу (Жіңішкебұлақ, Тамды) саласы бар.

Бастауы[өңдеу]

Бастауын Қорам ауылынан шығыста 8 км жердегі Бөшке деп аталатын сазды-батпақты қоныс аумағындағы қайнардан алып, Даярсаз қонысынан төменде Сенсембай-Қарасу өзеніне сол жағынан құяды. Одан әрі Торғай сайы бойымен ағып, Іле өзеніне (Қапшағай бөгені) құяды. Жоғарғы ағысында Қарасу, ал Лавар ауылынан бастап Лавар деп аталады.

Гидрологиясы[өңдеу]

Арнасы толығымен дерлік жазық өңірмен өтеді. Сол жағалауының басым бөлігі жарлауытты келген. Бастауынан Сенсембай-Қарасу өзеніне дейінгі жағалау бойында тал, шілік, жүзгін, жиде, т.б. ағаштардан, бұталардан тұратын тоғай қалыптасқан және жағалауында қамыс, құрақ қалың өскен. арнасында жыл бойы су болады. Суында балық бар. Жыл құстары және т.б. құстар ұя салады, мекендейді. Өзен бойында Қорам, Лавар ауылдары және қыстаулар мен қоныстар жайласқан. Алабы - мал жайылымы және шабындық. [1] [2]

Дереккөздер[өңдеу]

  1. “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998
  2. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5