Ласты
| Ласты | |
|---|---|
 Ласты өзені | |
| Сипаттамасы | |
| Ұзындығы | 48 км |
| Су алабының ауданы |
1350 км² |
| Су алабы | Зайсан көлі |
| Су ағысы | |
| Бастауы | Тарбағатай жотасының орта тұсындағы Үлкенқожыр және Кішіқожыр тауларының соллтүстік беткейі |
| Сағасы | Қарасу өзені |
| • Орналасқан жері | Алғадай қыстауынан төменде |
| Орналасуы | |
| Ел | Қазақстан |
| Аймақ | Шығыс Қазақстан облысы Тарбағатай ауданы |
Ласты, Ұласты – Зайсан көлі алабындағы өзен.
Географиялық орны[өңдеу | қайнарын өңдеу]
Шығыс Қазақстан облысы Тарбағатай ауданы жерімен ағады. Ұзындығы 48 км (салаларымен бірге 132 км), су жиналатын алабы 1350 км2. Ірі салалары: Орталасты, Шетласты.
Бастауы[өңдеу | қайнарын өңдеу]
Бастауын Тарбағатай жотасының орта тұсындағы Үлкенқожыр және Кішіқожыр тауларының солтүстік беткейінен алып, Қандысу өзенінің тармағы - Қарасу өзеніне Алғадай қыстауынан төменде сол жағынан құяды.
Гидрологиясы[өңдеу | қайнарын өңдеу]
Жоғарғы арнасы жартасты тау шатқалымен өтеді. Орта ағысы тауалды жазығының көлбеу сайлы-жыралы өңірімен өтеді. Құйған ауылынан төменде арнасы мен алабы кеңейеді, жағалауының басым бөлігі жарлауытты болады. Құйған ауылынан бастап Ласты деп аталады. Жоғарғы алабы мал жайылымына, Құйған ауылы маңынан бастап егістік пен шабындыққа пайдаланылады. Көктем айларында суы тасиды. Негізінен қар, жауын-шашын және жер асты суларымен толығады.[1]
Дереккөздер[өңдеу | қайнарын өңдеу]
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5