Лаура Сәйкенқызы Оразбекова

Уикипедия — ашық энциклопедиясынан алынған мәлімет
Jump to navigation Jump to search

Лаура Сәйкенқызы Оразбекова (1 қаңтар 1949 жыл Шымкент облысы Шәуілдір ауылы) - өнертанушы, суретші, Қазақстанның еңбек сіңірген қайраткері (2007). Өнертану кандидаты (2005). Кандидаттық диссертациясының тақырыбы: «Еуразия көшпенділері дәстүрлі өнерінің қазіргі бейнелеу өнері формаларында түрлендірілуі». Өнертанушы. Кескіндемеші. Трансавангард стилінде жұмыс істейді.


Білімі[өңдеу]

  • Томск политехникалық институтының химия-технология факультетін (1971) инженер, химик-кибернетик мамандығы бойынша;
  • И.Е. Репин атындағы Ленинград кескіндеме, мүсін және сәулет институтының өнер тарихы мөн теориясы факультетін (1981) өнертанушы мамандығы бойынша;
  • КСРО Көркемөнер академиясы жанындағы ҒЗИ аспирантурасын (1986) бітірген.

Шығармашылығы[өңдеу]

  • «Шығармашылық», «Декоративтік өнер», «КСРО халықтарының өнері», «Өнөр» бүкілодақтық баспаларында, «Art Planet» және «New Letters» халықаралық журналдарында, т.б. жарияланған кітаптар, каталогтар, альбомдардың (1982-1998), сондай-ақ пластикалық өнердің ұлттық мұралары мәселелері және Қазақстан бейнелеу енерінің қазіргі мәселелері бойынша кептеген жарық көрген басылымдардың авторы.
  • Жұмыстары отандық және халықаралық көрмелерде экспонатталған (1996 жылдан), отандық және халықаралық галереяларда қойылған, ҚР Мұражайлар қорына кіреді.
  • Халықаралық конгрестердің (Париж, Осло, Вена, Тбилиси, Хельсинки, Лондон, Мәскеу, Берлин, Токио қалалары және т.б.), КСРО Көркемөнер академиясының, ҚР Ғылым академиясының, ҚР Көркемөнер академиясының, Ә. Қастеев атындағы өнер мұражайының, Шығыс мұражайының (Мәскеу), Өзбекстан Ғылым академиясының, КСРО Суретшілер одағының желістері бойынша ғылыми тәжірибелік мәслихаттардың қатысушысы.
  • Қазақстандағы ландшафттық-экологиялық өнердің бірқатар жаңа түрлерін: «Trees of Live», белгілі мүсінші Френсис Каррдың қатысуымен (Англия), «Salt and Water», Испанияның радикалдық енерінің идеологы Валентин Фигарустың қатысуымен, «Katastrophics Kurdai», Амандос Ақанаевтың қатысуымен және «Stones Letters», Ботагөз Мырзалиеваның, Мария Тереза Бегиристайн (Испания) қатысуымен жүзеге асырған.
  • Жұмыстары АҚШ, Қазақстан, Англия, Испания және басқа да елдердің жекеменшік коллекцияларында сақталуда.
  • Бейнелеу өнерінің түрі - өнертану, кескіндеме, арт-видео.

Қоғамдық жұмысы[өңдеу]

  • «Ұлы қоныс оттары» атты (ЮСАИД желісі бойынша жоба, ЮНЕСКО істері женіндегі Ұлттық комиссияның қолдауымен, 2001) компьютерлік форматтағы фильмнің авторы және жетекшісі. ҚР Мәдениет және ақпарат министрлігінің желісі бойынша «Бейнелеу өнерінің өзекті мәселелеріне арналған іс-шаралар кешені» жобасының (2009) жетекшісі.
  • ЮНЕСКО жанындағы Халықаралық көркемөнер сыншылары қауымдастығының мүшесі (АІСА) (1989), ҚР Ұлттық секциясын құрудың бастамашысы (АІСА).* КСРО (1980 жылдан), ҚР Суретшілер одақтарының мүшесі.
  • ЮНЕСКО жанындағы Халықаралық сыншылар және өнертанушылар қауымдастығы ҚР ұлттық секциясының президенті (АІСА).

Қызмет жолы[өңдеу]

  • 1971 жылдан - Алматы көркемсурет училищесінің кескіндеме технологиясының оқытушысы. 1974 жылдан - ҚР Декоративті-қолданбалы өнер мұражайы қазіргі қолданбалы өнер белімінің меңгерушісі. 1976 жылдан - Ә. Қастеев атындағы Мемлекеттік енер мұражайы қазіргі қолданбалы өнер секторының меңгерушісі. 1987 жылдан - М. Әуезов атындағы Әдебиет және өнер институты бейнелеу өнері бөлімінің ғылыми қызметкері. 1991 жылдан - «Ұласу-арт» галереясының директоры.
  • 2003 жылдан бері - «Shahar Культура» журналының кураторы.

Марапаттары[өңдеу]

  • «Қазақстан Республикасының тәуелсіздігіне 10 жыл» медалімен марапатталған (2001). Республикалық «Астана-Бәйтерек-2005» конкурсының, Каспий маңы Республикалары бейнелеу өнері Халықаралық биеннале Гранприінің (Баку қаласы, 1989) лауреаты.
  • Қазақстанның Еңбек сіңірген қайраткері (2007).

Отбасы[өңдеу]

  • Әкесі - Оразбеков Сәйкен Оразбекұлы, дәрігер болып жұмыс істеген. Анасы - Қожахметова Рашида Хасанқызы (1920 жылы туған), ҚазКСР Еңбек сіңірген мұғалімі.
  • Тұрмыста. Жұбайы - Ақанаев Амандос, суретші.[1]

Дереккөздер[өңдеу]

  1. Қазақстан Республикасында кімнің кім екені – 2011. 2 томдық анықтамалықаласы Алматы, 2011. ISBN 978-601-278-473-2