Лек (Колонна)

Уикипедия — ашық энциклопедиясынан алынған мәлімет
Навигацияға өту Іздеуге өту

Лек (Қолонна) — әскери қызметшілердің, бөлімшелердің (машиналардың) бірінің артынан бірі орналасқан қатары. Жаяу бөлімшелер лекке 1,2,3,4 және одан да көп адамнан caп түзей алады. Лектер бөлімдер мен бөлімшелердің жорықтық немесе жазылма сап түзеуінде қолданылады. Бөлімшелер (машиналар) арасындағы арақашықтық пен аралық саптық жарғыда немесе командирдің өкімінде анықталады. Лек ұйымдасқан түрдегі қимылды, бөлімшелердің ұрыс алдындағы немесе ұрыстық ретке жазылуын, жеке құрамның күшін сақтауды, қатаң да үздіксіз басқаруды ұстануды қамтамасыз етеді. Қозғалыс кезінде лектің басында тұрған әскери қызметші бағыттаушы, лектің аяғында тұрған тұйықтаушы болып тағайындалады. Лектің басынан аяғына дейінгі ара қашықтық Лек ұзындығы деп аталады. 19 ғасырдың ортасында, әскерлер ұрыста тығыз caп түзеп әрекет еткенде Лектер олардың ұрыстық ретінің бір түрі болды. Ең алғаш рет Лекпен шабуылдауды Кольберттің маңындағы шайқаста П.А.Румянцев енгізген. 1716 жылдан кейін роталық және батальондык Лектерді А.В.Суворов, Наполеон сияқты қолбасшылар кеңінен қоаданған. Әскери теңіз флотында Лекте кемелер бірінен кейін бірі тұрады. Әскери Әуе күштерінде ұшақтардың (жұп, буын) Лектері ұрыстық реттің бір түрі болып табылады.[1]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл