Лермонтов және Aбай

«Лермонтов және Aбай» - ҚазССР ғылым академиясының баспасынан 1954 ж. жарық көрген ғылыми-зерттеу еңбек. Авторы - 3. Ахметов. 3 тараудан және қорытындыдан тұрады. Онда автор М. Ю. Лермонтовтың Абай тәржімелеген шығармаларының көркемдік шеберлігін жан-жақты сөз етеді. Екі ақынды бір-біріне жақындастыратын ортақ әлеуметтік жағдайларға, олардың қоғамдық-саяси, философиялық, этикалық, эстетикалық көзқарастарына, поэзияларындағы үндес сарындар мен ойларға, идеялық, тақырыптық, әдіс-тәсілдік үқсастықтарға тоқталады. Абайдың Лермонтовтан аударған өлеңдеріне текстологиялық талдау жасайды. Еңбек әдебиет зерттеушілеріне, тіл мамандарына, студенттерге арналған. Көлемі 3,4 б. т., 5 мың дана болып басылған.