Лесс үстірті

ЛЁСС ҮСТІРТІ, Ләсс жазығы (қыай Хуантутугаоюань), Қытайдағы Хуанхэ өзенінің орта алабында орналасқан.^[1] Батысы Tайханшань, Цинлин жоталарымен, шығысы Наньшань тауларының сілемдерімен қоршалып жатыр. Аумағы 430 мың км². Биіктігі 1200 — 1500 м (кейбір жоталары 2500 м-ге дейін) жонды-төбелі жазық. Беткі қабатын қалыңдығы 100 — 250 м қалың лсс топырағы жауып жатыр. ЛСС үстірті. толықтай эрозияға ұшыраған, әр 1 км²-і ұзындығы 5 — 6 км жыралармен (тереңдігі 100 — 150 м) тілімделген. Терең шатқалдармен ағатын өзендер көп тасындылар мен ысырындыларды алып шығады. Лсс топырағының құнарлы болуына байланысты барлық жері егістікке пайдаланылады. Мақта, тары, гаолян, бидай өсіріледі. Табиғи өсімдігі игеруге ыңғайсыз жерлерінде ғана сақталған. Тас көмір кенінің мол қоры бар. Үстіртте халық тығыз қоныстанған. Ірі қалалары — Сиань, Таюань.