Лидия Ильинична Божович

Божович Лидия Ильинична - [15(28). 10.1908,Курск- 21.7. 1981, Москва], психолог, педагогика ғылымдарының докторы (1966), профессор (1967), МГУ-дің педагогика ф-н бітірді (1930). Л.С.Выготскийдің шәкірті. 1929 жылдан психология бойынша тәжірибелік және ғылыми (Н.К. Крупская атындағы АКМ, Харковтегі Украина психо.неврология академиясында) жұмыстарды атқарған. 1948-81 жылдарда ОПП НИИ-да (1978 жылға дейін жеке тұлғаны қалыптастыру психологиялық лабораториясында) қызмет етті. Балалар және педагогикалық психологиясы саласының маманы. Жеке тұлғаның әлеуметтік қалыптасуы және дамуы мәселелері жөнінде еңбек жазды. Божович қабілеттілік мақсатты қызметке жеткізеді деп санады. Осыған орай тәртіпті ерікті реттеу және мотивтің механизмдерін зерттеді, баланың тұлғалық даму кезеңдерін айнықтады.