Лио

Лио
Suku Lio
Бүкіл халықтың саны
300 000
Ең көп таралған аймақтар
Индонезия
Тілдері
сикка тілі
Діні
католицизм.

Лио — Индонезиядағы халық, негізінен Флорес аралының орталық бөлігінде орналасқан. Жалпы саны 300 мың адам.

Тілі

Олар аустронезиялық отбасының батыс аустронезия тобының сикка тілінің диалектілерінің бірінде сөйлейді, кейде бұл жеке тіл ретінде ерекшеленеді.

Діні

Дінге сенушілердің діни байланысы: католиктер.

Лио тайпасынан шыққан тоқымашы әйел

Кәсібі

Олар қолмен атқарылатын егін шаруашылығымен (түйнек дақылдары, жүгері, аз мөлшерде күріш), аңшылықпен, ротан және сандал ағашын өндірумен айналысады. Сонымен қатар шошқа мен құс өсіреді. Тоқу, талшықты қабықтарды өңдеу дамыған.

Өмір салты

Әлеуметтік ұйымның нысаны матриархат: әйелдің отбасындағы рөлі айтарлықтай жоғары, оның ықпалы барлық отбасы мүшелеріне таралады. Ерлі-зайыптыларда дауыс беру құқығына, түпкілікті шешім қабылдау құқығына әйелі көбірек ие болады.

Елді мекендері мен дәстүрлі баспаналары

Дәстүрлі Лио қамбалары

Дәстүрлі елді мекендері – шоғырланған, ортасында алаңы бар, мұнда ғибадатхана мен ата-бабалар культінің қасиетті орындары орналасқан. Тұрғын үйлері үлкен отбасылық қауымдастыққа арналған қадаларға орналасқан ұзын үйлер.

Дәстүрлі киімдері

Лио халқының киімі - көйлек немесе белдемесі бар кайн (белдіктің айналасына оралған мата). Ерлер оны белдеріне тақса, әйелдер кеуделеріне бекітеді.

Дәстүрлі тағамдары

Азық-түліктері негізінен көкөніс - пісірілген дәндер мен ащы тұздығы бар түйнектер.