Логинов Виктор Дмитриевич

Логинов Виктор Дмитриевич— баспагер, суретші. 1938 жылы 30 қазанда Краснояр өлкесіне қарасты Богатол қаласында дүниеге келген.

Орта мектепті бітіргеннен кейін Н.В.Гоголь атындағы Алматы көркем-сурет училищесіне оқуға түсіп, одан әрі Вильнюс қаласындағы көркем-сурет академиясын тамамдаған.

Алғашқы еңбек жолын "Мектеп" баспасында көркемдеуші редактор болып бастады. Мәскеуде өткен халықаралық және "Орта Азия және Қазақстан" атты республикалық көрмелеріне қатысып, еңбектері жоғары бағаланған. Көптеген оқулықтар мен оқу-әдістемелік кешендердің, әдеби кітаптардың көркемделуіне, мұқабасын әрлеуге қатысқан кәсіби суретші.

Баспа саласында сіңірген еңбегі жоғары бағаланып, "Еңбек Ері" медалімен, "Ағарту ісінің үздігі" белгілерінің иегері болды. КСРО Журналистер Одағының мүшесі (1966). ҚазКСР және КСРО баспа комитетінің ұйымдастыруымен болған көрмелерде еңбегі бағаланып бірнеше рет Құрмет грамоталарымен, Мәскеуде өткен халық шаруашылығы көрмесінде "Мектеп" баспасынан жарық көрген "Ертегілер" басылымын көркемдегені үшін қола медальмен марапатталған.