Ля макан

Ля макан - кеңістіксіз, яғни жоқ деген сөз. Бір нәрсенің бар болуы үшін алдымен оның орны, кеңістігі болуы тиіс. Уақыт ұғымы да санада құбылыстар арасындағы салыстырулар арқылы пайда болады. Әсіресе «Болмыстың бірлігі» теориясында уақыт пен кеңістік шын мәнінде жоқ, бірақ, санада бар ұғымдар ғана. Шынайы болмыс Аллаһ. Ол уақыт пен кеңістік ұғымдарынан ада. Ол тек қана есім мен сипаттары арқылы көрініс береді. Ал адамның мәні болып табылатын адамдық рух, Аллаһтың оған үрлеген жауһары. Сондықтан да адамның шынайы мекені - Ля макан, яғни кеңістіксіз кеңістік, Аллаһтың бұйрықтар әлемінде деген сөз.