Ләззат Жаңылысқызы Сүлеймен

Уикипедия — ашық энциклопедиясынан алынған мәлімет
Навигацияға өту Іздеуге өту

Ләззат Жаңылысқызы Сүлеймен. 1961 жылы 10 ақпанда Талдықорған облысы Ақсу ауданы Жансүгіров ауылында туған. Қазақ. Әкесі - Сүлейменов Жаңылыс Қожаханұлы, бөлімше меңгерушісі болған. Анасы - Жексембекова Тұрарбану, жұмысшы болған. Абай атындағы Қазақ педагогикалық институтының математика факультетін (1983) математика пәнінің мұғалімі мамандығы бойынша; Ресей мемлекеттік әлеуметтік институтының экономика факультетін (Мәскеу қаласы, 1992) экономист-менеджер мамандығы бойынша бітірген. Қазақ және орыс тілдерін біледі. 1977-1979 жылдары - Талдықорған облысы Ақсу ауданы ҚҒЗИЗ-ы Ақсу Тәжірибе жасау шаруашылығының жұмысшысы. 1983 жылдан -Талдықорған облысы Ақсу ауданы Жансүгіров кентінде Чапаев атындағы орта мектепте математика пәнінің мұғалімі, директордың орынбасары. 1986-1990 жылдары - Талдықорған облысы Қазақстан ЛКЖО Ақсу аудандық комитетінің бірінші хатшысы. 1992 жылдан - Талдықорған облыстық Жастар ісі комитетінің төрағасы, Талдықорған облыстық Жастар ісі, туризм және спорт басқармасының бірінші орынбасары. 1997 жылдан - ҚР Ақпарат және қоғамдық келісім министрлігінің жетекші маманы. 1998 жылдан - ҚР Орталық сайлау комиссиясы Аппаратының кеңесшісі, ақпараттық-талдау бөлімінің меңгерушісі. 2003 жылдан бері - ҚР Орталық сайлау комиссиясының мүшесі. Халық депутаттары Ақсу аудандық Кеңесінің және Халық депутаттары Талдықорған облыстық Кеңесінің (1986-1992) депутаты. «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Ерен еңбегі үшін» (2005) медальдарымен марапатталған. Саяси қайраткер ретіндегі идеалы - И. Ганди. Қазақстанның болашағы туралы болжамы - «Молшылық, бейбітшілік және келісім мемлекеті». Хоббиі - кітап оқу, ән салу, домбырада ойнау. Сүйіп оқитын әдебиеті - психология және тарих бойынша әдебиет. Тұрмыс құрған. Жұбайы - Сахметов Жеңіс, ҚР Орталық сайлау комиссиясы аппараты бас сарапшысы. Ұлдары - Жаннұр (1995 жылы туған), Жандос (2000 жылы туған).[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2