Ләззат Мұратқызы Танысбай
| Ләззат Танысбай | |||
 | |||
| Туған күні | |||
|---|---|---|---|
| Туған жері | |||
| Азаматтығы | |||
| Ұлты | |||
| Қызметі | |||
| Марапаттары мен сыйлықтары |
| ||
Ләззат Мұратқызы Танысбай (1973 жылы 11 қазанда туған, Шығыс Қазақстан облысы, Үржар ауылы) — журналист, «Қазақстан» РТРК АҚ басқарма төрағасы. Қазақстан Журналистер Одағы сыйлығының лауреаты, «Құрмет» орденінің иегері (2010), Қазақстанның еңбек сіңірген қайраткері (2015).
Өмірбаяны[өңдеу | қайнарын өңдеу]
Алматы халықаралық журналистика институтын бітірген. Халықаралық бизнес университінің МВА дәрежесін қорғаған (диссертация тақырыбы: «Қазіргі Қазақстан жағдайында телеарнаның қаржылық тиімділігін арттыру жолдары»).
Қазақ, орыс, түрік және ағылшын тілдерін біледі.
Еңбек жолын 1993 жылы Қазақстан Республикалық телерадиокорпорациясында редактор қызметінен бастады, одан кейін репортер және тележүргізуші қызметін атқарды. «Хабар» агенттігінің іргетасы қаланған күннен бастап (1996 жылдан — 2002 жылға дейін) жаңалықтар қызметінің редакторы — жүргізушісі, атқарушы продюсері болып еңбек етті.
2002 жылы мемлекеттік қызметке ауысты. Қазақстан Республикасы Президенті Әкімшілігінің Баспасөз қызметінде бас сарапшы, сектор меңгерушісі, Бас инспектор қызметтерін атқарды.
2005 жылдың қыркүйек айынан бастап 2008 жылға дейін — Қазақстан Республикасы Мәдениет, ақпарат және спорт министрлігінің Ақпарат және мұрағат комитеті төрағасының орынбасары болды.
2008 жылдың қазанынан бастап 2011 жылдың қарашасына дейін — Қазақстан телерадиокорпорациясы АҚ Басқарма төрағасының бірінші орынбасары қызметін атқарды. Еліміздегі бірінші балалар арнасы «Balapan» телеарнасының ашылуына атсалысқан.
2011 жылы ҚР Ақпарат және байланыс вице-министрі болып тағайындалды.
2012 жылдың ақпанында «Астана» телеканалының Бас директоры болып тағайындалды.
2018 жылдың 5 шілдесінен бастап «НҰР-Медиа» холдингін қатар басқарды.
2019 жылдың 8 сәуірінен бастап «Қазақстан» РТРК АҚ Басқарма төрағасы болып тағайындалды.[1]
Марапаттары[өңдеу | қайнарын өңдеу]
- Қазақстан Журналистер Одағы сыйлығының лауреаты
- «Құрмет» орденінің иегері (2010)
- Қазақстанның еңбек сіңірген қайраткері (2015)
- «Баспасөз бен ақпаратты дамытудағы сіңірген еңбегі үшін» құрмет белгісі (19 мамыр 2016 жыл, ТМД Парламентаралық Ассамблеясы) — Тәуелсіз Мемлекеттер Достастығына қатысушы мемлекеттердің ортақ ақпараттық кеңістігін қалыптастыруға және дамытуға, баспасөз және ақпарат саласындағы ынтымақтастық идеяларын іске асыруға қосқан елеулі үлесі үшін[2]
Дереккөздер[өңдеу | қайнарын өңдеу]
- ↑ Қазақстан Республикасында кімнің кім екені : Екі томдық анықтамалық. — Алматы - 2011 ж.. — ISBN 978-601-278-473-2.
- ↑ Постановление Совета Межпарламентской Ассамблеи государств — участников Содружества Независимых Государств от 19 мая 2016 года № 22 «О награждении почётными знаками Межпарламентской Ассамблеи государств — участников Содружества Независимых Государств «За заслуги в развитии культуры и искусства», «За заслуги в развитии печати и информации», «За заслуги в развитии физической культуры, спорта и туризма» (орыс.) (pdf). Басты дереккөзінен мұрағатталған 20 маусым 2017.(қолжетпейтін сілтеме) Тексерілді, 3 тамыз 2019.
Сыртқы сілтемелер[өңдеу | қайнарын өңдеу]
- Ләззат Танысбай «Қазақстан» РТРК» АҚ Басқарма басшысы болып тағайындалды Мұрағатталған 17 сәуірдің 2019 жылы.