Магистральды канал

Магистралбды канал, бұрынғы "Овцевод" кеңшарынан солтүстік-шығысқа карай 7 км жерде. Негізін Оқсыз қалашығы маңын мекендеген отырықшы- егіншілікпен айналысатын тайпалар салған. 1975 жылы Оңтүстік Қазақстан кешенді археологиялық экспедициясының ирригациялық отряды (жетекші В.Грошев) зерттеген. Магистральды канал бір-біріне қарама-қарсы орналасқан жер бетінде екі жер бөгет күйінде сақталған. Каналдың табанының ені 9 м, дуалдың орта бөлігінде 5—6 м, жалының биіктігі 2—2,5 м. Каналдың ұзындығы шамамен 10 км. Археологиялық мәліметтер каналды халық 10 ғ-да пайдаланғандығын айғақтайды.