Магниттік бұрылу

Магниттік бұрылу - мәлім нүктедегі астрономиялық және магниттік меридиандар жазықтықтары арасындағы екі қырлы бұрыш. Магниттік бұрылу астрономиялық меридианның солтүстік бағытынан екі жаққа қарай 0°-тан 180°-қа дейін есептеледі.

Магниттік (геомагниттік) дауылдар

Магниттік (геомагниттік) дауылдар - ұзақтығы бірнеше сағаттан бірнеше тәулікке дейін созылатын жердің магниттік өрісінің қатты буырқануы немесе жер магнетизмі , кейде тым күшті тербелісі. Жоғары ендіктердегі полюс шұғыласымен бір уақытта пайда болады. Бұл құбылыстардың екеуі де күннің әрекеттілігімен, яғни жердің магнитосферасына күн плазмасының күшті ағындарының (күн желінің) әсерімен байланысты.

Магниттік нұсқар

Магниттік нұсқар - магниттік компастың немесе буссольдің негізгі бөлігі; жеткілікті жақсы магниттік қасиеттері бар арнайы магнитті қатты материалдан жасалған желі немесе пластинка болады. Магниттік нұсқардың ауырлық ортасында табан тірегі бар төлке бекітіледі. Магниттелген магниттік нұсқары үшкір тобесіне табан тірегінің төлкесімен кигізілген мәлім нүктедегі жердің магниттік өрісінің күштік сызығы бағыты бойынша орналастырылады. Магниттік нұсқар бір шетімен солтүстік, екінші шетімен оңтүстік магниттік полюстердің бағытын көрсетіп тұрады. Магниттік азимутты және румбты есептеу үшін магниттік нұсқардың шеттері 10—15"-пен үшкірленген, ал магниттік еңкею күштерін теңестіру үшін оңтүстік шетіне жылжымалы жүк қойылады.