Магниттік түсірім

Магниттік түсірім

Магниттік түсірім — жердің магнетизм элементтерін жүйелі өлшеу және осы мәліметтер бойынша магниттік карталар жасау (құрастыру). Магниттік түсірім жалпы және бөлшектік болып бөлінеді. Жалпы Магниттік түсірім геомагнетик өрістің үлкен аумақтарда салыстырмалы түрдегі өлшеу пункттерінің (ондаған, жүздеген км-ге) орналасуы мен тарауының заңдылықтарын зерттеуге мүмкіндік береді. Оның негізінде жасалған карталар, әуе және теңіз навигациясы, сондай-ақ, ірі магниттік аномалияны анықтау және жер магнетизмінің ғасырлық жылжуын зерттеу үшін қажет. Бөлшектік Магниттік түсірім өлшеу пункттерінің аралығы 1 м-ден бірнеше км-ге дейін созылады және ол негізінен геологиялық карта жасау мен кен орындарының көздерін іздеуде қолданылады. Магниттік түсірім кезінде әдетте геомагнетик өрістің толық кернеулігі векторының модулі өлшенеді. Бірақ геологияны барлау жүргізу мақсаттары, көбіне геомагниттік өрістің вертикаль анықтамасын салыстырмалы түрде шамалаумен шектеледі. Магниттік түсірім ЖЖС-не, ұшақтарға, кемелерге және жердегі көлік түрлеріне орнатылған әр түрлі магнит өлшеуіштер арқылы жүзеге асырылады. Геомагнетик өрістің уақыт ағымына қарай өзгерулерін ұдайы магнит обсерваториялар торабы бақылап отырады.

Дереккөздер

• Қазақ энциклопедиясы