Магнон

Магнон

Магнон — магниттік реттелген орталардағы спиндердің толқынына сәйкес келетін квазибөлшектер (қ. Спиндік толқындар). Магнон заттардың жылулық, жоғары жиілікті, т.б. қасиеттерінде білінеді. Температурасы Т=0К болғанда ортада Магнон болмайды, температура жоғарылаған сайын Магнон саны да өсе түседі. Магнон санының өсуі магнит реттелуді төмендетеді; температураның жоғарылауына байланысты Магнон санының өсуі нәтижесінде ферромагнетиктердің магниттелушілігі азаяды. Жарық пен нейтрондардың шашырауы кезінде Магнон пайда болады. Ұзын толқынды Магнонда аса жоғары жиілікті өріс арқылы қоздыруға болады.

Нейтрондардың серпімсіз шашырауы — Магнонның дисперсия заңын тәжірибе жүзінде анықтаудың негізгі әдістерінің бірі.

Дереккөздер

• Қазақ энциклопедиясы