Майдантал
| Майдантал | |
|---|---|
.jpg) Тау шатқалындағы Майдантал өзені | |
| Сипаттамасы | |
| Ұзындығы | 50 км |
| Су алабының ауданы |
472 км² |
| Су алабы | Сырдария өзені |
| Су ағысы | |
| Бастауы | Талас Алатауындағы оңтүстік беткейіндегі мұздықтардан түзілген 2 мореналық көлдер |
| • Координаттары | 41°59′40″ с. е. 70°38′02″ ш. б. / 41.99444° с. е. 70.63389° ш. б. (G) (O) (Я) |
| Сағасы | Піскем өзені |
| • Орналасқан жері | Өзбекстан |
| Орналасуы | |
| Ел | Қазақстан, Өзбекстан |
| Аймақ | Түркістан облысы Төле би ауданы және Өзбекстандағы Шарбақ ауданы |
Майдантал, Шыңғыс, Шотаншат – Сырдария алабындағы биік тау өзені.
Географиялық орны[өңдеу | қайнарын өңдеу]
Түркістан облысы Төле би ауданы және Өзбекстандағы Шарбақ ауданы жерінде. Өгем, Майдантал жоталарының аралығымен ағып өтеді. Ұзындығы 50 км, су жиналатын алабы 472 км2, жалпы ұзындығы 140 км болатын 60-тан астам саласы бар. Ірі салалары: Төрасу (Асутөр), Аютөр, т.б.
Бастауы[өңдеу | қайнарын өңдеу]
Бастауын Талас Алатауындағы оңтүстік беткейіндегі мұздықтардан түзілген 2 мореналық көлдерден алып, Өзбекстан жерінде Піскем өзеніне оң жағынан құяды.
Гидрологиясы[өңдеу | қайнарын өңдеу]
Жоғарғы арнасы тау шатқалымен өтеді. Ақтөр саласы қосылғаннан кейін орта ағысындағы жағалауы биіктігі 10-15 м болатын жартастардан тұрады. Мұздық және қар суларымен толығады. Орташа жылдық су ағымы 14,9 м3/с. Жаз айларында суы молайып, су ағымы 24 м2/с-тан 43,5 м2/с-қа дейін ұлғаяды. Өзен алабы жазғы тау жайлауы саналады. Қараша айында қатып, наурыз айында ериді.[1][2]
Дереккөздер[өңдеу | қайнарын өңдеу]
- ↑ Оңтүстік Қазақстан облысының энциклопедиясы
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5