Майра Сатыбалдықызы Жолшаева

Майра Сатыбалдықызы Жолшаева
Туған күні	8 шілде 1974 (1974-07-08) (52 жас)
Туған жері	Жамбыл облысы, Жуалы ауданы
Азаматтығы	Қазақстан
Ғылыми аясы	Филология
Жұмыс орны	SDU University
Ғылыми дәрежесі	Филология ғылымының докторы
Ғылыми атағы	доктор, профессор
Альма-матер	ҚазМУ (қазіргі Қазақ ұлттық университеті), аспирантурасы.

Майра Сатыбалдықызы Жолшаева — филология ғылымының докторы (2009), доцент (2008), профессор.

Өмірбаяны, еңбек жолы

1974 жылы 8 шілдеде Жамбыл облысы, Жуалы ауданы, Қошқарата ауылында туған.

ҚазМУ-ды (1996, қазіргі Қазақ ұлттық университеті), аспирантурасын (1999) бітірген. 1999-2001 жылдары Алматы Экономика жəне құқық колледжінде оқытушы, 2001-08 жылдары ҚР ҰҒА Тіл білімі институтында аға ғылыми қызметкер, 2008 жылдан SDU University Педагогикалық және гуманитарлық мамандықтар факультетінің "Тілдік білім беру" кафедрасының профессоры қызметінде.

Ғылыми еңбектері

Негізгі ғылыми бағыты қазақ тілінің функционалды грамматикасын, лингвистикалық семантика, функционалды-коммуникативтік синтаксис мəселелерін зерттеуге арналған.
"Қазақ тіліндегі аспектуалды семантика: форма жəне мазмұн" деген тақырыпта докторлық диссертация қорғады.
Әр жылдары жарық көрген "Қазақ тіліндегі сын есімдердің валенттілігі" (2008), "Қазақ тіліндегі етістіктер және аспектуалды семантика» (2011), "Семантика: етістік" (2018) атты монографиялардың, "Қазақ тілінің функционалды грамматикасы" (2010), "Жұмсалымды грамматика" (2016) ұжымдық монография авторларының бірі. 15 томдық "Қазақ әдеби тілінің түсіндірме сөздігін" құрастырушылардың бірі. Жаңартылған білім беру бағдарламасы бойынша орта білім беру жүйесінде қазақ тілінде білім беретін қазақ мектептеріне арналған 5-сынып, 6-сынып және 11-сыныптарға арналған "Қазақ тілі" мектеп оқулықтарының авторы.

Сыртқы сілтемелер

• МЕМЛЕКЕТТІК ТІЛДІ ДАМЫТУ ИНСТИТУТЫ.
• SDU University.
• Грамматика бөлімінде жұмыс істеген ғалымдар. Мұрағатталған 14 қаңтардың 2026 жылы.