Максим Иванович Иванов

Иванов Максим Иванович ^[1] (4. 11.1895, Варыпаевка селосы, қазіргі Ресей, Саратов облысы Аткарск ауданы – 11.4.1962, Алматы қаласы) – ветеринария ғылыми докторы (1938), профессор (1939), Қазақ КСР-інің еңбек сіңірген ғылыми қызметкері (1945).

Саратов малдәрігерлік институтын бітірген (1926). Қазақ малдәрігерлік ғылыми-зертеулік институтында ғылыми жетекші (1935–38), Алматы зоотехникалық-малдәрігерлік институтында (1938–62, қазіргі Қазақ ұлттық аграрлық университетті) кафедра меңгерушісі, ғылыми кеңесші болып жұмыс істеген. Оның ғылыми жұмыстары негізінен малдың жұқпалы ауруларына арналған. Ол алаөкпе ауруын анықтау, оны емдеу және одан сақтану әдістерін тауып, Қазақстанда эпизоотиялық лимфангрит, бруцеллез, төл ауруларының ит шумасын, Ауэски ауруын жою жұмыстарына қатысты; республикада бірінші болып қойдың брадзот тәрізді ауруын, энтеротоксемия және қылау ауруларын, ешкі кебенегі мен пастереллезін анықтаған.

Еңбек Қызыл Ту орденімен және медальдармен марапатталған.